कुँड़ुख़ डण्डी गहि बिहईत/बकसोर

“एकना दिम तोकना, कत्था दिम डण्डी“

कुँड़ख़र गहि इ ख़ेख़ेल नु ख़ेड्ड उइनादिम तोकना अरा कच्छनखरता दिम डण्डी तली ।

मानिम ई कुँड़ुख़ “कत्थ डण्डी” ती परकला बेसे दहदह मनीका “कुँड़ुख़ डण्डी” कुँड़ख़र गहि सिरजन-बिरजन बेड़ातिम आर गहि जियानुम रसचकी बसचकी र:अई चाँड़ र:अई इदिन खोंड़:अर कि मोड़ा मुसुगना “टूड़ना” गहि ।

कुँड़खर गहि उज्जना- बिज्जना गहि हुरमी मानी ख़ीरी आर गहि डण्डीनुम रःअई। आर एकासे अलखनर, चींखनर, नलख़ नन्नर, रूसी का लण्डी मन्नर अरा एकासे काया सगर का दुलार ति निन्दका र:अनर, मल इलचु, चिहुट ननु, नेत धरम उइय्यू रअनर, हुरमी गहि नमूद डण्डी नुम नमा ख़ख़र:ई।

“कुँड़ुख़ डण्डी” बेड़ा अरा चन्दो नु खट्टका र:अई अरा कड़ी नु हे:चका र:अई। सिंगर-पतर ति झबरारका दरा हुरमी रासी ति निन्दका रःअई। दरा पुरखउँती बेड़ा ति पाड़तारनुम बर:आ लगी। पहटा गुने रागे नु जोक्क-जोक्क फरक मनी इत्ती अख़तारःई का “कुँड़ुख़ डण्डी” अरा “कत्थ डण्डी” हुल्लो बेड़ातिम इवदा बड़ियर अरा परदका र:अई।

कुँड़ुख़ टूड्डर- पाडुर अरा लूरगरियर कुँड़ुख़ साहे डण्डी गुट्ठिन ख़ोड़अर ख़ोज्जर की पुथी चिपताचका रःअनर ।

चान	पुथी	टुड़ुस/ख़ोड़उस	पुथी गहि पत्त नु
1905	कुँड़ुख़ फोकलोर	रेभ.एफ. हॉन	पुथी रोमन सिकि नु चिप्परा । इबड़ा पुथी नु ख़ीरी सग्गे संगे कुँड़ुख़ पुरख़ा डण्डी तु हॅू ख़ोज्जका र:ई।
1931	उराँव फोकलोर	ए ग्रीगनाई	पुथी रोमन सिकि नु चिप्परा । इबड़ा पुथी नु ख़ीरी सग्गे संगे कुँड़ुख़ पुरख़ा डण्डी तु हॅू ख़ोज्जका र:ई।
1940-1941	लील ख़ोरःआ ख़ेख़ेल	डब्लयू. जी. आर्चर	इन्नु 2660 गोटंग फग्गू, खद्दी, करम, जतरा झुमइर चिरदी, माठा, जदुरा, डोमकच, धुड़िया, लुझकी, असारी, रोपा, बेंज्जा अरा अगहनी साहे ता डण्डी र:ई।
1941-1944	दि ब्लू ग्रोभ, निडम एण्ड दि लेपर्ड अरा एमंग दि ग्रीन लीम्स	डब्लयू. जी. आर्चर	पुथी नु अकय दवलेकन कुँडुख़ डण्डीन तीखड़ाचका र:ई।
1951-1953	कुँड़ुख़ बेज्जा डण्डी	बिहारी लकड़ा	इन्नु बेंज्जा गहि नेत नेग बेड़ाता डण्डी गुठिन ख़ुज्जका र:ई।
1963	आदिवासी जीवन और साहित्य	नारायण जहानाबादी	ई पुथी नु हुँ कुँड़ुख़ डण्डीन तिखुड़ाचका र:ई।
1976	कुँड़ुख़ कत्थख़ीरी अरा डण्डी	एडमण्ड टोप्पो
1980	करम डण्डी	बलदेव लकड़ा
1981	मौसमी राग इण्डी	जोन लकड़ा
1984	कुँड़ुख़ जेठ्ठे जतरा	सोमरा उराँव	ई पुथी नुम हुरमी ख़ोद गहि कुँड़ुख़ जेठ्ठे जतरा पत्त नु तरपाँति ति ख़ोज्जर की टूड़का र:अदस।
1992	चाला अखड़ा	बसंती कुजूर
1996	मिंजुर झाइल	जुलियस कुल्लु
1997	उराँव लोक गीत एवं लोक कथाएँ	लाल राय निरंजन श्रीवास्तव
1999	करम नेग डण्डी	मंगरा कुजूर	इन्तु करम परब गहि पत्त नु ओर ती मंजुरन गुट्टि नेगे- नेग डण्डीन टूड़का रःअदस।
2002	अराध्यदेव वृक्ष करम	सरन उराँव	करम नेग डंडी गहि पत्त नु टूड़का र:ई।
2003	updesh aram dahre	राम कुजूर उराँव	बेंज्जा डण्डी पुथी
2003	लोक गीत(कुँड़ुख़)	नपीन्द्र	बेंज्जा डण्डी पुथी
2005	सरहुल	महली लिवन्स तिर्की	कुँड़ुख़ डण्डी पुथी
2005	लोकगीत(कुँड़ुख़) भाग-1 लोकगीत(कुँड़ुख़) भाग-2	कुर्दला कुजूर
2006	कुँड़ुख़ पुरखौती साहे डण्डी	महेश भगत
2007	कुँड़ुख़ बिनती उराँव धरम भजन	सरन उराँव
2008	करम ओहमा	तेज कुमार टोप्पो
2008	करम	महली लिवन्स तिर्की
2009	हिया खोल रागे	डाॅ॰ उषा रानी मिंज
2011	कुँड़ुख़ ग्रंथ	फा. अल्बिनुस मिंज
2011	उराँव सरना धर्म और संस्कृति	भीखू  तिर्की	पुची न हूँ  तिर्कीस सहेबस बरने बरन गहि कुँड़ुख़ डण्डी गुठ्ठिन ख़ोज्जर टूड़का र:अदस।
2011	कुँड़ुख़ लोक साहित्य	जनजातिय कल्याण शोध संस्थान कल्याण विभाग	ई पुथी नु हो कुँड़खर गहि बेड़ बेड़ा अरा चन्दो चन्दो ता साहे डण्डी गुठ्ठिन तारपाति ती ख़ोड़अर की उड़का दरा टूड़का र:ई।

अदी संगे संगे बीज बीनको, धुमकुड़िया, सरना फूल, सिनगी दई, बोलता, कुँड़खन पहड़ा अरा बकपून गुट्ठि चन्दो अतख़ा कागद नु हूँ बेड़ा बेड़ा कुँड़ुख़ साहे डण्डी बीड़रकी र:ई।

उराँव साहित्यकार के बारे में पढ़े

संदर्भ सूची-> कुँड़ुख़ कत्था कत्थपंडी गहि कुन्दुरना अरा परदना