इस पोस्ट के माध्यम से हम जानेंगे बेचन उराँव( Bechan Oraon) से जुड़े महत्वपूर्ण एवं रोचक तथ्य जैसे उनकी व्यक्तिगत जानकारी, शिक्षा तथा करियर, उपलब्धि तथा सम्मानित पुरस्कार और भी अन्य जानकारियाँ। इस विषय में दिए गए बेचन उराँव से जुड़े महत्वपूर्ण तथ्यों को एकत्रित किया गया है जिसे पढ़कर आपको प्रतियोगी परीक्षाओं की तैयारी करने में मदद मिलेगी।
बेचन उराँव( Bechan Oraon)
बेचन उराँवस गहि पद्दा इनरूबा-7 सुनसरी नेपाल तली। अइय्यम इस गहि कुन्दरना 1974 ई॰ चान नु मंज्जकी र:ई। तम्बस गहि नामे मु. मोतीलाल उराँव अरा तंगियो गहि नामे धौली उराँव तली। इस व्यवस्थापन नेपाल कमर्श क्याम्पस ती एम.ए. गहि डिगरी होच्चकस रःअदस।
इस कुँड़ुख़ खोड़हन मेच्छा परदःआगे अकय दव दव नलख नंज्जकस रःअदस। बेचन उराँव नेपाल उराँव आदिवासी जनजाति प्रतिष्ठान गहि देवान तलदस। ई प्रतिष्ठान ती संवसे नेपाल ता कुँड़ख़र गहि परदना पत नु अकय कोंहा कोंहा नलख़ नज्जकस र:अदस। तंगहय संवसे बेड़न उराँव कत्था अरा खोड़हा गे सोंपचस चिच्चस।
इस गहि टूड़का पुथी “एंगहय एड़पा” नामे ती 2011 ई॰ चान नु बींडरा इस नेपाल नु गोरखा पत्र नयाँ नेपाल नामे ती कुँड़ुख़ भखा नु खबइर कागद ओथरदस। कुँड़ुख़ कत्था गे इद अकय कोंहा नलख तली। संवसे खखेल नु अक्कुन गुटि इदिन अम्बर की एक:अम पहटा ती कुँड़ुख़ कत्था नु खबइर कागद मल उरख़ी। इदि संग्गे संग्गे कुँड़ुख़ कत्था नु खरा बग्गे नलख़ नज्जकस रःअदस।
इस गहि इबड़ा नलख़न एरर अरा सुसमारर नेपाल सरकार 2013 ई॰ चान नु कुँड़ुख़ साहित्य सम्मान चिच्चरी र:ई।
संदेश
