इस पोस्ट के माध्यम से हम जानेंगे डॉ० हरि उराँव (Dr. Hari Oraon) से जुड़े महत्वपूर्ण एवं रोचक तथ्य जैसे उनकी व्यक्तिगत जानकारी, शिक्षा तथा करियर, उपलब्धि तथा सम्मानित पुरस्कार और भी अन्य जानकारियाँ। इस विषय में दिए गए डॉ० हरि उराँव से जुड़े महत्वपूर्ण तथ्यों को एकत्रित किया गया है जिसे पढ़कर आपको प्रतियोगी परीक्षाओं की तैयारी करने में मदद मिलेगी।
डॉ० हरि उराँव (Dr. Hari Oraon)
डॉ० हरि उराँवस गहि अद्दि पद्दा गुमला जिला ता टोंगो पकरी टोला तली। इ पद्दा नु ओन्टा कुँड़ुख़ एड़पा नु 1959 ई० चान नु कुन्दरस। तम्बस गहि नामें मनचरण उराँव अरा तंगियो गहि नामे बिलिया उराँव। 1976 ई० चान नु टोंगो लूरकुड़िया ती मेटरिक नंजस दरा परम वीर अलबर्ट एक्का कोहा लूरकुड़िया चैनपुर ती आई. ए. नंज्जस अरा 1981 ई० चान नु राँची कोंहा लूरकुड़िया ती बी.ए. गहि बीढनन कट्टियस । इदि ख़ोख़ा 1984 ई० चान नु राँची ख़ेख़ेल लूरकुड़िया ती कुँड़ुख़ ती एम.ए. नंज्जस। अन्तले मारवाड़ी कोंहा लूरकुड़िया नु कुँड़ुख़ बचताआगे चाजरस राँची ख़ेख़ेल लूरकुड़िया ती पी.एच. डी. गहि डिग्री हुँ होच्चकस र:अदस। अक्कुन इस जनजातिय एवं क्षेत्रीय भख़ा संदन्हा राँची ख़ेख़ेल लरकुडिया नु सहायक प्रोफेसर रअदस। दरा राँची विश्वविद्यालय राँची नु विकास पदाधिकारी गहि कंण्डो नु रःअदस।
1987 ई० चान नु सरना नवयुवक संघ राँची गहि अध्यक्ष चाजरस। 2006 ई० चान नु कुँड़ुख़ लिट्रेरी सोसाइटी ऑफ इंडिया नई दिल्ली गहि अध्यक्ष चाजरस। दरा अक्कुन गुटि एंड़ो खोड़हा गहि बेल रःअदस। पूर्वी भारत अखिल भारतीय आदिवासी साहित्यिक मंच गहि संयोजक हॅू रःअदस। 2009 ई० चान नु मानव शास्त्रीय विश्व सम्मेलन, कुनमिंग, चीन अरा 2010 ई० चान नु विश्व धर्म सम्मेलन- विश्व का धार्मिक इतिहास-टोरंटो, कनाडा नु कुँड़ख़र गहि नेग-चार, धर्म अरा उज्जना बिज्जना कत्था पत्त नु पेपर उइयस। डॉ. हरि उराँवस सरना फूल, बकपून, विश्व पटल पर कुँड़ुख़ भाषा, कुँड़ुख़ डहरे अतख़ा कागद गहि सम्पादक तलदस।
कुँड़ुख़ लिट्रेरी सोसाइटी ऑफ इंडिया नई दिल्ली तरले की 2012 ई० चान नु डॉ. हरि उराँवस ओहमा चितारकी र:ई। 2010 ई० चान नु इस गहि टूड़का हिन्दी भाषा और कुँड़ुख़ भाषा कियाओं का प्रकारात्मक अध्ययन पुथी कुँड़ुख़ खोड़हा नु बींड़रा। डॉ. हरि उराँवस कुँड़ुख़ लोक साहित्य पुथी गहि प्रधान सम्पादक तलदस अरा नम्हंय चोन्हा कत्था कुँड़ुख़ बेचना बेचना-नु गन, कोहापुथी अरा सन्नी पुथी गहि हुँ सम्पादक तलदस इस गहि टूड़का डण्डी,कत्थडण्डी, ख़ीरी कत्थटूड़ गट्ठि कुदहा बग्गे चन्दो अतख़ा कागद अरा खबर कागद नु चिनिरकी दरा बींडरकी र:ई ।
संदेश
