इस पोस्ट के माध्यम से हम जानेंगे बिहारी लकड़ा (Bihari Lakra) से जुड़े महत्वपूर्ण एवं रोचक तथ्य जैसे उनकी व्यक्तिगत जानकारी, शिक्षा तथा करियर, उपलब्धि तथा सम्मानित पुरस्कार और भी अन्य जानकारियाँ। इस विषय में दिए गए बिहारी लकड़ा से जुड़े महत्वपूर्ण तथ्यों को एकत्रित किया गया है जिसे पढ़कर आपको प्रतियोगी परीक्षाओं की तैयारी करने में मदद मिलेगी।
बिहारी लकड़ा(Bihari Lakra)
बिहारी लकड़स गहि भुइहर पद्दा लोहरदगा जिला ता बेजवाली पद्दा तली । अइय्यम ओन्टे महबा उय्यु कुँड़ुख़ एड़पा नु इस गहि कुन्दर हो:अना 01 जनवरी 1927 ई॰ चान नु मंज्जकी रहचा। तम्बस गहि नामे एतवा उराँव तली । इस गहि टूड़ना बचना खिजरी सन्नी लूरकुड़िया तो ओरे मंज्जा। अन्तले लुथरन मेच्छा लूरकुड़िया ती मेट्रिक नंज्जस इदि ख़ोख़ा राँची कोंहा लूरकुड़िया नु नामे टूड़ताचस ।
1945 ई॰. चान नु सैनिक स्कूल गहि मस्टर चाजरस। 1950 ई॰ चान नु जनसम्पर्क विभाग नु हुँ नलख़ नना लगियस। 1963 ई॰ चान नु पंचायती चुनाव नु मुखिया चाजरस। 1964 ई॰ चान नु लोहरदगा प्रखण्ड ता प्रमुख चाजरस। इदि ख़ोख़ा राँची जिला परिषद गहि बेल चाजरस। 1967 ई॰ चान नु बिहार विधान सभा गहि चुनाव नु एम.एल.ए. चाजरस। 1972 ई॰ चान ता चुनाव नु हुँ इस एम.एल.ए. चाजरस दरा केदार पांडेयस गहि मंत्रीमंडल नु वित्त मंत्री गहि कन्डो नु ओकय्यस। ई मझही नु बिहार राज्य खादी ग्रामोद्योग बोर्ड निदेशक मण्डली अरा भवन निर्माण बोर्ड निदेशक मंडली गहि सदस्य हूँ र:अचस। 1977 ती 1979 ई॰ चान नु राँची क्षेत्रीय औद्योगिक विकास प्राधिकार अरा आदित्यपुर जमशेदपुर औद्योगिक विकास प्रधिकार गहि बेलकण्डो गहि ओहदा नु उक्कियस। 1987-90 ई॰ चान गुटि इन्टरमीडिएट शिक्षा परिषद् निदेशक – मंडली गहि सदस्य हूँ चाजरका र:अचस।
इंवदा नलख़ नन्नुम हुँ आस तंगआ अयंग बेलख़न अरा अयंग कत्थन मल मोधरस अउर कुँड़ुख़ कत्थन अरा कत्थपंडीन परदःआगे 1952 ई॰ चान नु “कुँड़ुख़ बेंज्जा” डण्डी पुथी चिपताचस। 1966 ई॰ चान नु इस गहि टूड़का “आदिवासी और लरका आन्दोलन” पुथी बींडरा । 1998 ई॰ चान नु “आदिवासियों का सांस्कृतिक इतिहास परिचय और उसका विकास कैसे हो” पुथी हुँ चिप्परा | बिहारी लकड़स गहि इबड़ा नलख़न एरर की साहित्य अकादमी नई दिल्ली तरले की 2003 ई॰ चान ता कुँड़ुख़ भखा साहित्य सम्मान ख़क्ख़रा। ईस 2008 ई॰ चान नु तंगहय अद्दि एड़पा बेजवाली नु जियन मंज्जस।
संदेश
