कुँड़ुख़ कत्था बुझवईल (कुँडुख भाषा में पहेलियाँ)
1. एन्देर अमख़ी नानी, अम्म सिम्बी नत्ती, एन्दरा हिके ? – इंज्जो अमख़ी।
2. अतख़ा खसखस, ख़ंजपा लड्डू मोःख़ा गे गुल्ले मिठई, एन्दरा हिके ? – डहू।
3. पुरबे तरती बर’ई बाघिन, कूल खोखलो, ख़ोला ओत्था, एन्दरा हिके ? – पोःक।
4. आगे तरा बइकला अदी ख़ोःख़ा ठोर, अदी ख़ोःख़ा मुगरा, एन्दरा हिके ? – अड्डो,
उगता अरा गोहला उयूस गही पैना।
5. आबदा तीखि़ल नूं चोप्पा मल्ला, एन्दरा हिके ? – बेःक।
6. इसुंग तुन्दरा, पखना गड्डरा, एन्दरा हिके ? – उम्बुलना अरा एरेख़ना।
7. इसानुम रअ़के ठुपठुपया एःन राजी एःरा गे काःदन, एन्दरा हिके? – खे़ड्ड चम्माबी।
8. उरख़ो बीरी ख़ईका, किर्रो बीरी ढिरढिर्रका, एन्दरा हिके ? – अड़ी ता अम्म।
9. उनी मूख़ी पहें एःका पुल्ली, एन्दरा हिके ? – मन्न।
10. उर्मी ओ:लो पहें गुंग्गु तंगदा मला ओ:लो – एन्दरा हिके? – आलर गही नाःमे।
11. उर्मी ख़ंजपा गही पूंप शोभई, एन्दरा हिके ? – किचरी।
12. उर्मी ख़ंजपा गही टंगना रई मुन्दा ओन्टे गही मल्ला, एन्दरा हिके ? – ख़ेःर बी।
13. उर्मी ओःलो मुन्दा महरस गही सोट्टा मला ओःलो, एन्दरा हिके ? – डहरे।
14. उज्जना बीरी ओन्टे नामे, केच्चका ख़ोख़ा बग्गे नामे, एन्दरा हिके ? – बाँस।
15. उरमी आःलो ही दुद्ही मनी पहें एन्दरा ही दुद्ही मल्ला? – ओःड़ा-ख़ाःख़ा।
16. उल्ला खोखोल खोया बहरी पोट्टा, एन्दरा हिके ? – ख़ेःल।
17. तम्मबस अच्च नू अच्च इद्दस, तंग्गियो केच्चका आलरिन उज्जती’ई, एन्दरा
हिके ? – भेटांगो घोरना कमना अरा रोपा इदना।
18. एंड़ आःलर उतान ख़ने ओरतोस मुलख़़ुरका, एन्दरा हिके ? – खपरा बंईका।
19. ओण्टे मन्न नु बारहो डाःड़ा अरा सातो कंडरी नवठा। – चान, मईहना, उल्ला।
20. ओन्द मुट्ठा राई छिटआ दरा गिनआ, गिनओय पोल्लोय गिनआ ? – बीनको।
21. ओरतोस बेगर ख़ेड-ख़ेक्खा, बई-मुंई ही डहरे एःकदस। – कागद नू लिखना।
22. एड़पा बोंग्गा लगी पहें एड़पन्ता आःलर धर्रआ लगनर। – जल्ली अरा इंज्जो।
23. एन्देर आलोन नितकिम तिरिख़नर होलेम चींख़ी ? – ढींकी।
24. एँड़ भार्इर जुदा मनर मल चींख़नर जुमुरनर ख़ने चींख़नर। – झांझ।
25. एड़पा कुर’ई बली नू एःन एका तरा का:लोन ? – कूम अरा इंज्जो।
26 एंड़ भर्इयोर ईरयर, पंच्चे भर्इर पेत्तर, बत्तीस भर्इयोर मोक्खर, ओर्तोस एकला
एम्मबन अक्खस, एन्दरा हिके ? – एँड़ ख़न्न, पंच्चे। अंगली, पल्लेय‚ ओन्टे ततख़ा।
27. ओरतोद बिड़पुता कोंको टेम्पन चेड्डकी रअ़ई ? – अल्ला गही ख़ोला।
28. सन्नी एकन डोबहा बइकला गही शोभा, एन्दरा हिके ? – ट्टठी बिल्ली।
29. अना भईयो नीन गा काःदय, एंगन एन्देर गे अम्बदय ! – चम्मबी।
30. ओन्टे पद्दा नू खुटा, दोसर पद्दा नू लैंची, नन्ना पद्दा नू चिच्च, नन्ना पद्दा नू मोसगा, एन्दरा हिके ? – हुका अरा चिलम।
31. ओन्टे आलस गहि कूल नू पल्ल, एन्दरा हिके ? – ताँतर।
32. ओन्टे भाईस उईदस, एंड़ भाईर पटा चूगनर, एन्दरा हिके ? – कड़िरका।
33. ओन्टे परता गहि दूयो दरंगा नू झिकटी टंगरका, एन्दरा हिके ? – खे़बदा।
34. ओन्टा परता नू बिन ओट्टा गही बांस, एन्दरा हिके ? – कुक्क अरा चुट्टी।
35. ओन्टे टोंका नू ख़ेस्स बीजिरका, एन्दरा हिके ? – ओसगा चुरी।
36. ओन्टे मन्न नू ओन्टे एकला अतख़ा, एन्दरा हिके ? – बैराखी।
37. ओन्टे कुक्कोस तांतरन चेड्डकस कुद्दस, एन्दरा हिके ? – अल्ला ख़ोला।
38. ओन्टे कुक्कोस गही चार ठो ख़ेड्ड, एन्दरा हिके ? – खटी।
39. ओरोत संवगिया, अकय बड़ियर आलारिन हूं पटकी’ई ? – बोड़’ए।
40. ओन्टे आःली मन्न नु ढिलवा बीःचनुम दुदही ओनती’ई ? – भदड़ी।
41. ओरतोद माख़ा बीरी बिडरी पइरी बीरी दोलख़ाःर’ई, एन्दरा हिके? – पिटरी।
42. ओन्टे कुकोय आलारिन ईरी दरा बलिन मुच्ची, एन्दरा हिके ? – घुंघी।
43. का:दय तो का:दय‚ एंगहय ख़ेबदन अंईठाअ़नुम का:लके ? – ताला अरा कुंजी।
44. ओन्टे आलस गही ख़ोख़ा तरा ख़न्न, एन्दरा हिके ? – ककड़ो।
45. ओन्टे किंको बेगर कुद्दम ओंगओल एका ख़द्द ननी ? – केड़ा मन्न।
46. ओन्टे आःली गुण्डा-गुण्डा पुतुर’ई, एन्दरा हिके ? – जता।
47. ओन्टे पच्चो कंकन एकला मूंख़ी, एन्दरा हिके ? – चूल्हा।
48. ओन्टे कुकोय लज्जे ती नुंख़ुरकी कुद्दी, एन्दरा तली ? – बागिरका।
49. ओन्टे ओःड़ा ओंगओल एका ख़द्दमाःख़ो मनी, एन्दरा तली ? – भदड़ी।
50. ओन्टे झिकटी राजी-राजी कुद्दी, एन्दरा तली ? – ढिबा।
51. ओन्टे मन्न नूं ख़ेल दिम ख़ेल, एन्दरा तली ? – कठड़ा।
52. ओण्टन धरओय संवसेन अख़ओय, एन्दरा तली ? – मण्डी बीःतना।
Read More
Q>आबदा तीखि़ल नूं चोप्पा मल्ला, एन्दरा हिके ?
=> बेःक
Q> ओन्टे आलस गहि कूल नू पल्ल, एन्दरा हिके ?
=> ताँतर।
Q> ओन्टे आलस गही ख़ोख़ा तरा ख़न्न, एन्दरा हिके ?
=> ककड़ो।
संदेश
